Eatneme mijjen bïjre, guktie lea jïh lea orreme, baajnehte guktie mijjieh mijjen jieledh jielebe. Seamma tïjjen almetji baelie lea meatan dam eatnemem hammoedidh mesnie årrobe. Naakenh dejstie gïejijste mejtie bïejebe vihth gaarvanieh. Jeatjebh ihkuve jarkelimmieh sjugniedieh.
 
Eatneme jïh almetjh lea vuesiehtimmie eatnemen bïjre Stientjeregijovnesne jïh dej almetji bïjre gïeh daesnie årroejin bråånseaalteren jïh ruevtieaalteren. Mijjieh toelhkestamme almetji lïhkesvoetem eatnemen jïjtse histovrijisnie, jïh arkeologeles gaavnoeh voengeste tjøønghkeme. Tjåanghkan daate gellie soptsesh sjædta aarkebiejjien jieleden, rituali, seabradahkestruktuvri jïh faamoegæmhpoej bïjre golme stoerretjuetie jaepiej tjirrh.