5-A |

KROEPTERÅÅJSH KLAVVAN MIETIE

Dajvesne gaskem Børgin jïh Beitstadfjorden Nöörjen stööremes veahka kroepterååjsijste bråånseaaltaristie. Bråånseaalteren mearoen bijjieskierie lij bijjiebisnie, jïh dïsse gie vïnhtsine bööti, lij iemie daan klavvan tjïrrh båetedh. Seapan lij daate funksjovne goh soelmehth, man åvteste daate dajve dan vihkele sjïdti goh kroeptesijjie.

Kroeptekammere mij daesnie, lea rååjseste Frøsetesne. Kammerisnie lij båeltielamme maana nuerebe goh luhkien jaepien båeries. Jïjtjehke rååjsen diameetere lij mahte 14 meeterh jïh vielie goh bieliemubpie meetere jollehke. Göökte kroeptekammerh lin gaskoeh bïejesovveme, göökte jorpe gierkiemovrh dej bïjre. Lissine lij akte gåalmede kammere sisnjemes movresne.

Gaajhkh golme kroeptekammerh båelteme beetsuvh måareste utnin, dovne almetjijstie jïh kreekijste, jïh vïenhtebe lij sïejhme kreekh båeltielidh åemiealmetjinie ektine. Båeltielimmie lijhkeste lea jeatjah lehkesne sjugniehtovveme, men ibie daejrieh gusnie. Ajve onne bielie almetjistie leah kammeri sïjse. bïejesovveme, jïh ibie akt daejrieh gogkoe doh jeatjah bielieh leah. Men lij aaj sïejhme juvlemigujmie gusnie ij lij lijhkide båeltielamme bråånseaalteren.

Vaeknieh, værjoeh jïh persovneles daeverh kroepten sïjse. bïejesovvin åemiealmetjinie ektine, åvtelen doh stoerre rååjsh tseegkesovvin kroeptekammeri bijjeli.