Dïhte stoerre kroeptesijjie Eggesne gellie kroeptemojhtesh båarasåbpoe jïh nuerebe ruevtieaaltaristie åtna. Stööremes gierkiegievlien diameetere lea ovrehte 30 meeterh. Gellie vierhtieh lin daerpies dan stoerre bigkedh, naakede mij soptseste dïhte lea almetjasse jolle statusinie dorjesovveme. Daeverh mah lin kroepten sisnie, daejriehtieh dïhte lij stoerre dåaroje.

 

Ålman lïjhke lij båeltielamme låahran nelnie jïh bïejesovveme rovmeren bråånseurnan sïjse. Meatan kroepten sïjse. göökte gulliereagkah, jïh vaeknieh goh gaalhpa, saejhtie, laanse jïh victoriasviertie feegresovveme paalmeåeksine, jïh rovmeren nyjsenejupmele Victorian lastegievline. Daate lij earoevaeknieh dehtie rovmeren dåarafoeveste. Lij dåaroje? Jallh sviertie lij naakede maam jïjtsasse lotneme jallh sualadamme?

 

Kroeptesijjesne lij aaj akte jeatjah ålma, båeltielamme jïh aelhkebe urnan sïjse. biesseste bïejesovveme. Aaj daan kroepten sisnie lij vaeknieh. Daate sån seapan ålma vuelebe graadeste maam sjïeledi juktie juvlelgidh sov hierrine ektine.