Gïejh eatnamisnie båarasåbpoe ruevtieaaltaristie vuesiehtieh lij jïjnje båasarimmie, gæmhpoe faamoen bïjre jïh åesiestimmie guhkies gåhkoej bijjeli. Lij stoerre naevstieh fjovlen lïhke, vaarjelimmievierhkieh jalladahki nelnie – jïh akte gaajh stoerre produksjovne metalleste ruevtie, man mietie jeenjesh gihtjin.

 

Almetjh jolle graadeste dovres vaaroejgujmie juvlelgin mejtie veedtjeme Romerrïjhkeste. Dagkerh daeverh mijjen dajvide böötin gosse lin meatan rovmeren dåarafoevesne, lotnegeåesiestimmien jallh reetsemen tjïrrh.

 

Dåarafoevese govlesovvedh lij naakede destie mij statusem jïh earoem vedti. Seapan aaj baahtsemem materijelle aevhkide vedti dan åvteste dåaraåvtehke sijjen gaerhteles dåaroejidie dovres vadtesh vedti.