Gosse dïhte histovrijes gaertene tseegkesovvi seabradahke ihkuven aajkan jorkesi. Jeenjesh dejstie gaertienijstie mah tseegkesovvin nuerebe ruevtieaalteren, annje gååvnesieh. Dagkerh sijjine histovrije gelline giertine gååvnesieh sjaljoen nuelesne – goh raajseme gierkieh mah åtnasovvin tjaetsiem baahkedidh, slahtjegamme jåartaburriedïrregh mejtie naakenh lin sleengkeme, jïh joekehts daeverh mah beapmoejurjiehtæmman jallh vytnesjimmesne åtnasovvin.

Tuv Nedre Sparbusne lea dagkeres «gaertenehåajje» gusnie arkeologh leah gïejh gaavneme gaertene lea åtnosne orreme gellie tåvsene jaepieh seamma sijjesne. Daesnie gaskem jeatjah plæjjoebiehkieh smirreste gaavneme, «tjeehpes-jåarta» åakeristie, slahtjegamme aaksjoe jïh nejpie, hierkiegaamegespæjhkerh, naaloe, pjål jïh gurremegaengkere. Vielie jallh vaenebe, daeverh mejtie almetjh leah laahpeme, mah tjåanghkan soptsestieh doh gellie joekehts soptsesh aarkebiejjien jieliedistie gaertienisnie.