Nuerebe ruevtieaalteren lij jaabnan gaskese Britiske sååligujmie. Vijkingh reetsin jïh dovne daeverh jïh almetjh bååstede veeltin. Naakenh desnie beetsin jïh orre seabradahkh desnie tseegkin.

 

Arkeologles gaavnoeh gaskesen bïjre jallese aaj vijkingetïjjen åvtelen soptsestieh, jïh seapan eah lin gaajhkh gaavnedimmieh seamma julmies. Akte tjaebpies golmenborth gaerie bråånseste, sisnjeles sijline aktene roenesne jïh dabran vuessieh mah ledtine vååjnoeh, leah gååvnesovveme nyjsenekroeptesne vijkingetïjjen åvtelen sijjesne Skei Sparbusene. Seamma kroeptesne lij aaj akte aavsoe Irlaanteste.

Reagkanaaloe mij gååvnesovvi Rungstadesne Stïentjesne, sjïere irske hammoem åtna, men tjïelke noerhtelaanti feegreme. Gusnie daate lea dorjesovveme, jïh giestie, ibie daejrieh. Men dïhte hijvenlaakan vuesehte guktie joekehts kultuvrevuekieh tjåanghkan sjalkoeh.