Stoerre kroepterååjsh jïh joekoen åajvoeh spaenjietjaalegesijjieh almetji bïjre soptsestieh mah utnin ritualh jïh mytologeles soptsesh lin vihkele. Vaenie gïejh aarkebiejjien jieliedistie, men daejrebe almetjh daan boelhken vielie årroeh-almetjinie sjïdtin goh aarebi. Gaavnoeh kroeptijste daeverigujmie jeatjah laantijste, jïh gïejh vuekiej mietie mejtie jeatjah lehkeste damtijibie, vuesiehtieh lij gaskese seabradahkigujmie mah lin guhkene.

Dïhte orre metalle bråånse lea nommem boelhkese vadteme, men dejtie jeenjemes almetjidie gierkie jïh flïnhte lin annje vihkeles ïebnh. Gaavnoe gierkieaaksjojste maam akt jeahta gusnie jïh guktie almetjh eatnemevierhtide nuhtjin. Almetjh gåetiekreekh jïh såemies åakerh utnin, vijrin jïh göölin, sjædtoeh, muerjieh jïh roehtsh tjöönghkin jïh skåajjem röönjin. Naemhtie aaj eatneme ræhpasåbpoe sjïdti almetji darjomi gaavhtan.